ATM ನಲ್ಲಿ ನೋಟು ಬರದಿದ್ರೆ ಏನು ಮಾಡಬೇಕು?

ಹಣ ಡ್ರಾ ಮಾಡಲು ಸಾಮಾನ್ಯವಾಗಿ ಎಲ್ಲರೂ ಸಹ ATM ಬಳಸ್ತಾರೆ. ಬೇರೆ ಬ್ಯಾಂಕ್ ATMನಿಂದ ಹಣ ಡ್ರಾ ಮಾಡುವವರ ಸಂಖ್ಯೆಯೇ ಜಾಸ್ತಿ ಇದೆ. ಹೀಗೆ ಮಾಡುವಾಗ ಕೆಲವೊಂದು ಸಮಸ್ಯೆಗಳು ಎದುರಾಗುತ್ತವೆ. ಮಾನಸಿಕ ಹಾಗೂ ಆರ್ಥಿಕ ನಷ್ಟ ಎದುರಿಸಬೇಕಾಗುತ್ತದೆ. ಹಾಗಾಗಿ ಬೇರೆ ಬ್ಯಾಂಕ್ ಗೆ ಹೋದಾಗ ಕೆಲವೊಂದು ವಿಷಯಗಳ ಬಗ್ಗೆ ಗಮನ ನೀಡಬೇಕಾಗುತ್ತದೆ. ಬೇರೆ ಬ್ಯಾಂಕ್ ಗೆ ಹೋದಾಗ ನೀವು ಈ ಕೆಲಸವನ್ನು ಅವಶ್ಯವಾಗಿ ಮಾಡಬೇಕಾಗುತ್ತದೆ. ಹಣ ಡ್ರಾ ಮಾಡಿದ ನಂತರ ಬರುವ ಸ್ಲಿಪ್ ನನ್ನ ಜೋಪಾನವಾಗಿ ತೆಗೆದಿಟ್ಟುಕೊಂಡಿರಬೇಕಾಗುತ್ತದೆ.

ಕೆಲವೊಮ್ಮೆ ಹಣ ಡ್ರಾ ಮಾಡಿದ್ದು ಸ್ಲಿಪ್ ನಲ್ಲಿ ಬರುತ್ತದೆ. ಆದ್ರೆ ಎಟಿಎಂನಿಂದ ಹಣ ಬರುವುದಿಲ್ಲ. ಆಗ ಬ್ಯಾಂಕ್ ಗೆ ಸಾಕ್ಷಿ ತೋರಿಸಲು ಇದು ಬೇಕಾಗುತ್ತದೆ. ಇನ್ನು ಬೇರೆ ಎಟಿಎಂನಲ್ಲಿ ವ್ಯವಹಾರ ಮಾಡುವಾಗ.ಕೆಲವೊಮ್ಮೆ ಮೋಸ ಹೋಗುವ ಸಾಧ್ಯತೆಗಳಿರುತ್ತವೆ. ಆಗ ನೀವು ಪೊಲೀಸರಿಗೆ ದೂರು ನೀಡಬೇಕಾಗುತ್ತೆ. ನೀವು ಯಾವ ಬ್ಯಾಂಕ್ ಎಟಿಎಂ ಬಳಸಿದ್ದೀರಿ? ನಿಮ್ಮ ಅಕೌಂಟ್ ಯಾವ ಬ್ಯಾಂಕ್ ನಲ್ಲಿ ಇದೆ? ನೀವು ಬಳಸಿದ ಎಟಿಎಂ ಶಾಖೆ ಯಾವುದು ಎಂಬುದರ ವಿವರವನ್ನ ಪೊಲೀಸರಿಗೆ ನೀಡಬೇಕಾಗುತ್ತೆ. ಇನ್ನು ಬೇರೆ ಬ್ಯಾಂಕ್ ಎಟಿಎಂನಿಂದ ನಕಲಿ ನೋಟುಗಳು ಸಿಕ್ಕರೆ ತಕ್ಷಣ ಹತ್ತಿರವಿರುವ ಆ ಬ್ಯಾಂಕಿನ ಶಾಖೆಗೆ ಹೋಗಿ.ಅಲ್ಲಿ ಅಲ್ಲಿ ಸಿಕ್ಕ ನಕಲಿ ನೋಟನ್ನ ಬದಲಾಯಿಸಿಕೊಳ್ಳಿ. ಪ್ರತಿಯೊಂದು ಬ್ಯಾಂಕ್ ಕೂಡ ನೋಟನ್ನ ಬದಲಾಯಿಸಿ ನೀಡುತ್ತದೆ